انا هقول للشباب ع الطريقه اللي يقدر يخلي اي بنت تحبه
ازاي تكون روش وتعلق اي بنت
بص يا سيدى
البنت بتحب الولد التقيل خلى دمك تقيل عليها سوق الرخامه عليها سوق التلامه والغلاسه ولو ما بتعرفش تسوق طلع رخصه..... مطلعتش....اضرب رخصه
البنت بتحب الولد الغنى اسرق .... انهب ..... اعمل اى حاجه عشان يبقى عندك فلوس فلوس كتير... كتير اوى اوى اوى كمان مره .. مش ضرورى حلال يستحب انها تكون كمان حرام عشان تحس ان انت كريم عبد العزيز فى حراميه في كيجي 2 ولو ما عندكش فلوس .......وفاشل ارسم عليها انك غنى اشتغلها.. هو انت يعنى لاقى شغل يا فاشل اشتغلها واعملها نفسك بسبس مان.
البنت بتحب الولد الى ماتفهموش خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك حاجه وان فهمت كلمه منك ارجع قولها عكسها خليها تتهبل ومتفهمش حاجه خالص
البنت بتحب الولد الكداب افتح عليها علب احكيلها عن رحلاتك للمريخ وغزواتك وفتوحاتك كلمها عن اختراعك للبنسلين وعن قدراتك الخارقه على الطيران وقرايه افكار الناس وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تعمل ايه وتقابل مين.
البنت بتحب الولد الحبوب المحبوب استخف نفسك وخليك كده فرش طول الوقت وغلس على كل خلق الله وهزر فى اى وقت وبداعى ومن غير داعي حسسها ان كل الناس بتحب تهزر معاهم.
البنت بتحب الولد الى يفهمها انها احلى بنت اوصفلها فى جمالها واحكيلها قد ايه هى فاتنه وحلاوتها مدوباك ومسهراك يا حبه عين امك وان هى الوحيده فى العالم الى حلوه وهى بس الى يتبصلها لان البنت لازم تحس انها احلى واحده لان ماعندهاش عقل يفهم ان ربنا فضل الناس على بعض فى خلقها واشكالها.
البنت تموت فى الولد الى شكله معتوه البس لبس غبى ....لازم تسقط البنطلون البس تيشيرتات مرسوم عليها فران وكلاب وحمير البس جزم حمرا وكوتشات خضرا وخليك بلياتشو حاول تغير فى اسلوب لبسك البس هدومك بالمقلوب وبرضوا ما تنساش تسقط البنطلون وتبين العار طول شعرك ونزله على عنيك ولو شعرك خشن طوله برضوا واحلق خط بعرض 3سم فى نص راسك بالطول
ولو عمر دياب مره حلق حواجبه اوعي تتردد اديها حواجب قرعه ع طول.
البنت بتحب الولد التافه اتكلم ع التمثيليات وبرامج التليفزيون والاغانى الجديده والفيديو كليب والمطربات والمطربين وخد بالك من النقطه الجايه دى بقى اقنعها ان انت صوتك حلو وبتغنى وقريب هيكتشفوا موهبتك وهيخلوك تغنى فى برنامج مواقف وطرائف الحيوانات
البنت تحب الولد الى بيحب غيرها. عمرك سمعت عن بنت حبت واحد بيحبها لاء طيب خد النصيحه دى.. اهم نصيحه وسر نجاح اى علاقه باى بنت البنت ماتحبش اى واحد يحبها.. وتحب اى واحد تكون هى ولا على باله ..طنشها واركنها ولا تحسسها انها موجوده واهم حاجه الكلام الى فات ده كله شرط انك تعمله مع اكتر من بنت ويستحب يكونو خمس بنات او من مضاعفات العدد خمسه لان ده الرقم الى بيمنع الحسد والنقص فى البنات. اوعي تكون هى الوحيده فى حياتك ولو مش لاقى بنات تانيه غيرها اتصرف... صاحب اى شغاله ولا اى بياعه خضار ولا اى شحاته
((نوع كده وخليك واد كووووووول))
معلش ع الكلام ده بس انا بتريأ ع الشباب بتاع اليومين دول